مشكلة البنزين

علم الاقتصاد بيقول ..
اى سلعة او منتج بيوصل للمستهلك عن طريق وسائل نقل البضائع والمنتجات
اى مواطن بينزل يروح شغله بيستخدم وسائل النقل سواء ملاكى او عامة
اى مؤسسة فردية او شركة خاصة او حكومية بتستخدم وسائل النقل
اى طبيب او مهندس او محامى او حتى كوافير بيستخدم وسائل النقل
وبالتالى تعد مصروفات النقل من المصروفات التى تحمل على السلعة او المنتج او الخدمة من اول الفول و اللى بيعمل الفول واللى بياكل الفول ... لحد السباك اللى بييجى يصلح لك الحنفية .. والدكتور اللى بييجى عيادته
كل دة بيتحمل عليك كمواطن .. دة غير انك هتتحمل تكلفة اضافية فى كل مرة هتنزل شغلك سواء بتركب سيارة ملاكى او حتى بتركب ميكروباص او توك توك
ممكن بقى البيه الوزير العبقرى فلتة زمانه .. يفهمنى ويشرح لى ازاى المواطن مش هيتأثر بهذا الارتفاع المرعب فى اسعار المنتجات البترولية حتى السولار اللى بتدور بيه الميكروباصات التى يستخدمها المواطن البسيط؟؟؟؟